Hmangaihnaa hriattur pawimawh

Inhmangaihna leh inngaihzawnna chungchang, chutiang chuan tih tur, tih inziak dan zawm tur a awm lem lo nain, hetiang lama hriattur pawimawh erawh a awm nual niin relationship lama mithiam ten an sawi. Thil thenkhat hriat ngei ngei tur, inngaihzawnna leh inhmangaihna boruak siamtha thei ni a an sawi te kan rawn tarlang e.
1. Ti lo tura i duh chu ti bik suh. A ngaihzawng hlui be tawh lo turin i duh a, a thiante nena zan rei tak tak thleng inkawm khawm lo turin i duh a, i tel lo party-naa tel lo turin i duh a. Thildang pawh a la tam ang, anin ti lo tura i duh chu nang pawhin i ti bik tur a ni lo.
2. I thiante theihnghilh nghal ringawt suh. |hiante hi kan nuna mi pawimawh tak an ni a, mahse, kan nunah mithar an rawn luh chiah hian thiante chu kan thlahthlam ta nghal mai thin. Hei hi tih loh tawp tur a ni. Ngaihzawng i neih tak avang maiin i thiante thlahthlam miah suh.
3. Engamah hmain “Ka hmangaih che,” ti nghal ringawt suh. Duhna le hmangaihna te hi thliar thiam a ngai a nia. I rilru tak tak i sawi a nih loh chuan ‘Hmangaih’ tih tawngkam hi hman tla zen suh ang che.
4. Puarak neih a tul lo. Inngaizawng chu inpahnih kha in ni a, in inkarah palai an awm a tul lo. In pahnih inkarah inhmuhthiam lohna a awm a nih pawhin in pahnihin chinfel in tum hmasa phawt dawn nia. Inngaihzawnnaa kan harsatna tawh tam ber hi chu midang tel lo a chinfel theih a ni.
5. Rinawm rawh. In inning tan deuh em ni, in ikar boruak chu chhem alh leh tum la, chuti a nih loh chuan kalsan mai rawh. Inrinawm loh san ai chuan a tha zawk. Kan inning a, ngaiah kan innei a, kan hne ta deuh a nih pawhin rinawm loha midang lo kawp hian engmah a chingfel lo a, a tibuai zawk. I hlim tawh lo a nih chuan i kawppui hnenah chuan tlang taka sawi mai tur a ni, tichuan a tihdan kawng in zawng ang.
6. Midang nena tehkhin ching suh. I ‘ex’ kha a lo zei viau pawh a ni thei a, mahse, ani chu i ‘ex’ a ni tih theihnghilh suh, i hun kal tawh leh tuna i hman mek chu khaikhin lo la, tuna i hun hman mekah khan hlim taka awm zir ang che.
7. I duat loh chuan midangin an duat sak palh ang che. Anin a ‘care’ em em che a, mahse, nangin atan hun i pe ve thei lo a, i hmangaih thu te pawh i hrilh ve thei lo em ni? Atan i awm ngai lo a nih chuan, a nunah midangin hmun an chan hunah inchhir suh ang che.