Hmar tlangdung tan theihtawp
kan chhuah zel dawn – ZPM
Sinlung Hills Council bial zawng zawngah politics harhtharna la thleng rih lo mah se, a tahtawl leh hmatiam zela kalphung thar a din chhoh an beisei a, chutiang tur chuan thahnemngai takin hmar tlangdung mipui tan hma an la zel dawn tih ZPM party chuan an sawi.
ZPM Gen. Hqrs. thuchhuak chuan, Sinlung Hills Council (SHC) inthlanpui neih zawh takah Sinlung Hills huamchhung mipuiin bial engemawzatah ZPM leh HPC thawkdun duhsak taka hnehna an pe chu lawmthu sawiin, bial thenkhata hnehna an chan lohnaah pawh vote sang tak petu mipui chungah lawmthu an sawi tih a sawi. Bial hrang hranga hnehna changtute a lawmpui bakah Coucil mipui tan thahnemngai tak thawk turin duhsakna a hlan tih a sawi a ni.
Hmar tlangdung hmasawnna turin ZPM party leh ministry chuan theihtawp a chhuah zel dawn tih sawiin, ‘Tun dinhmunah Council bial zawng zawngah politics harhtharna la thleng rih lo mah se, a tahtawl leh hmatiam zela kalphung thar mipui sawrkar a din chhoh zel kan beisei a, chutiang tur chuan ZPM party chuan thahnemngai takin hmar tlangdung mipui tan hma a la zel dawn a ni,’ a ti.
Party tana thahnemngai taka campaign-tu zawng zawng bakah an candidate-te inpeknaah an lawm a, inthlan buaipuitu sawrkar official-te leh venhim hna thawktute chungah leh, inthlan felfai tak neih theihna tura MPF thawhrimnaah lawmthu an sawi tih a sawi bawk.
Hmar tlangdung tan theihtawp kan chhuah zel dawn – ZPM
Get real time updates directly on you device, subscribe now.
Next Post