Hmarchhaka pawh luh tumin investor kokhawm

Hmarchhaka pawh luh
tumin investor kokhawm
Sawrkar laipui Ministry of DoNER-in hmarchhak state 8 tana a buatsaih ‘Rising Northeast: Investors Summit 2025’ chu Zirtawpni khan New Delhi-ah neih tan a ni a, chief minister Lalduhoma pawh a tel.
Summit hi Prime minister Narendra Modi chuan a hawng a. Hmarchhaka investor-te tana hmalak theihna awm phochhuakin – agriculture & allied sector, food processing, textile, handloom & handicraft, entertainment & sports, education & skill development, healthcare, IT & ITES, tourism & hospitality leh infrastructure & logistics thlurbing a ni.
Planning & Programme Implementation department kaihhruaiin Mizoram pawhin Summit-ah hian stall a hawng a. Commerce & Industries leh Horticulture department hnuaia product hrang hrang phochhuah a ni. Company lian, investment ti duh turte nen stall-ah hian inkawm thin a ni a; Mizoram atangin entrepreneur pali an thu bawk.
Zirtawpni vek khan chief minister hian Union minister of Jal Shakti CR Patil a hmu a. Jal Shakti kaltlanga Mizorama hmalakna an sawidun.