Hmeichhe MLA-in hmeichhiate chah

Hmeichhe MLA Prova Chakma chuan politics khelh chungchangah mipa el pha turin hmeichhiaten kan duhthlanna leh inpekna chiah kan bak tawh tih a sawi.
Thawhtannia MNF office Mizo Hnam Runa inkhawmah MNF adviser Prova Chakma chuan, hmeichhiate chu kawng tinrengah mipate el pha an ni tawh a, politics khelh chungchangah ngat phei chuan duhthlanna leh inpekna chiah an bak tawh tih a sawi.
Khawtlang nun leh politics chu hun hnih – Kristian hma leh Kristian hnuah a then theih a. Hun hmasaah chuan hmeichhiate dinhmun a chhe hle a, amaherawhchu tunah chuan hmeichhiate chu thil tithei tak, lehkha zirnaah pawh mi chung en, an hnathawhnaah pawh hlawtling tak tak an nih tawh avangin hmeichhia nih vang ringawta insit leh inkiltawih a hun tawh lo hle tih West Tuipui bialtu MLA hian a sawi a ni.