Hmeichhe tana hriattur pawimawh 10
Hei le Times Of India-in hmeichhia zawng zawngin an hriat atana pawimawh an tih, thil chi hrang hrang 10 kan rawn tarlang ve e.
1. Mipa-in lemchhuah puia a sawm vang chein a ngaihzawng thlak nan a duh che tihna a ni kher lo. Han theuleu pui mai mai che a duh chauh pawh a ni thei.
2. I hmaia make-up inthuah tun khan mipa mit a la lo. Foundation pangngai kha a tawk reng, make-up simple tak hian mipa mit a la zawk.
3. I ngaihzawng nen in chuahvahnaah i thiante nen in inhmu thut a nih pawhin phul hlut suh, eng eng emaw sawiin nui vel awr awr bawk suh. Khatiang kha mipa tam zawkin an ning.
4. Awm khawm laia inhrilh ruk, tu emaw nena lo in-sms bik, midang hriatthiam ve loh eng eng emaw sawi bik. Hengte hi mipa nin zawng tak a ni.
5. Mipa ten anmahni i ngaihdan kha an ngaipawimawh, a bik takin an sam, an vun, an thau lam leh an thawmhnaw ah te a ni lehzual. I ngaihzawng chu a hair cut thar a inhmeh lo i tih pawhin hrilh kher suh, a T-shirt ngai a ha ngun deuh a nih pawhih hrilh kher a tul lo.
6. I PMS (hmeichhe thlatin hunbi sawina a nih hi) lai sawi zuah zuah kher a ngai lo, PMS vanga thinchiat kher pawh mipa ten chhuanlam tlingah an ngai lo.
7. I taksa landan chungchang sawipui fo suh. Eng mipa mahin an ngaihzawngte, “I thau lutuk,” an ti duh chuang lova (in then an duh te a nih ngawt loh chuan). I cher leh thau lam leh i pianzia vel sawipui i tum talh chuan mipain a ning ang.
8. Thawmhnaw mar teng tawng leh taksa lang tam lutuk hak hian kan ‘desperate’ zia a pholang niin an sawi teh tlat a. I ngaihzawng chu i lakah a lo serious ru viau te a nih chuan, khawilam mipa mahin ngaihzawng ‘desperate’ deuh an duh tak tak ngai lo.
9. Hmeichhia ten Mr Right an zawng ang bawkin mipa te pawhin ‘right girl’ an zawng ve tho a, mahse, mipa te chuan ‘Miss Perfect’ an zawn tel deuh tlat avangin lova game tlema zawng han play ve deuh pawh hlauh teh hlur tur a ni lo.
10. I mipa duhzawng chu pehhel kual vel loin hriattir mai rawh. Ani pawhin duh ve che ni a i hriat chuan rei tak innghah tir kher a tul lo.