Mipa thenkhatin Inrnni leh Pathianni zanah EPL en hrehawm ti a, kim lo riaua an inhre thin ang deuh hian hmeichhe thenkhat pawhin tawng lova awm hi harsa an ti ve tlat! A nih leh engteh fakau nge maw an sawi chu le? Ni hnuaia thil eng pawh a ni thei, a awmzia chu eirawngbawl dan, laphiar, thiante rzl, inchhung khawsak chungchang, thawmhnaw thar, engkim a ni mai.
-- Advertisement --
Hetiang hunah hian mipa fing var vak lo te chuan an lo nur khum a, hmeichhia te ti lungawi lovin buaina an tawh phah a, mahse, mipa fing deuh erawhin tactic tha deuh an hmang zeih mai thin! Tactic tha deuh te chu:
1. Hmeichhiain an sawi apiang chu dik ti niawm taka lo buk nghat nghat mai tur. A harsa lo, chutia i buk nghat nghat lai chuan thil dang daih pawh i ngaihtuah thei, mahse, hmeichhia chuan a thusawi i ngaithla emaw a ti ang. Hei hi tihchi tak a ni!
2. ‘Aw’ leh ‘aih’ tih ringawt pawh hi hman tangkai theih tak a ni. Hmeichhia chu a tawng mawlh mawlh lai khan a khat tawkin ‘aw’ ‘aih’ tih ten lo chhang ve boh boh la, mahse, ‘aw’ ‘aih’ chu i hman hun a dik loh vaih chuan a pawi ang. Hei hi hmeichhiain lu buk deuh nghat nghat tactics a fuh zawk mai thei, khatia tawngkama i lo chhan ve leh zauh thin khan a thusawi i ngaithla tak tak ang takin i lang thei dawn a ni.
3. A tawng laklawh lai tih tawp nan tiin phone i hmang daih emaw, TV i on emaw pawh a ni thei, mahse, i TV en tui lo rawih khawpin a la be buai thei tho che. Han chhuahsan daih dawn la a teuh hlur si ang. Fuh leh deuh pakhat chu bathroom-a luh daih hi a ni. Toilet-a thut pahin chanchinbu te va chhiar daih la!
Hmeichhia ten mipa TV en nasa lutuk, thil dang tih thulh thak thaka len cheh te an nin ang bawkin mipa te pawhin hmeichhe sawi tur ngah lutuk hi an ning ve bawk a. Mahse, an tia lawm- harsatna reng reng a sutkian dan a awm zel. Thluak a awm chuan kawng pawh a awm e!