Hmeichhe tingaih\halo thei te

Nupuite laka that chhuah lutuk hian, nupuiten rinhlelhna an neih phah hlauh thei, an tih teh tlat chu!
Relationship lama mithiam ten zirchianna an neihah chuan hmeichhia hmun thuma thena hmun hnih te chuan an pasal ten an lakah that an chhuah thar deuh thut a nih chuan an ngaih a ti tha lo zawk niin an sawi.
Kellogg’s-in hmeichhe 2,000 a poll an neih atanga a lan dan chuan in chhung sekrek khawih lama an pasal te an tui thar ta riau a nih te, an pasal ten thilpek eng eng emaw an han tihsak deuh thut te pawhin nupuite ngaih a tha lo tlat.
Zirchianna a an hotu Louise Thompson Davies chuan, “Mipa ten that an chhuah a, an kawppui te an ngaihsak a, thilpek nena an han tih deuh hliau hliau hian, an kawppui te chu ngaihsak tha a, pa tha tak ni-ah an inngai a, mahse, hmeichhe tam zawkin chutiangin an lo ngai ve ta thin lo a ni,” a ti.
Mipa mizia leh nunphunga thil te tham tak anga lang, danglam a awm pawhin hmeichhia chu a ngaih a tha lo mai thin a, mipain a tihsak ngai loh te a tihsak thar a, a ngaihven thar anga a lan hian mipa chuan inthiam lohna eng emaw neiin, mahni inthiam nan a ngaihsakin a duat ta thin ni a ngaihna an nei ta mai thin a ni.
A pasalte that chhuah danah pawh rinhlelhna tizual deuh a awm niin an sawi a, chungte chu:
Tlereuh lei sak
Bedroom-a chetdan thar
Pangpar lei sak
Chocolate lei sak
Hnuailam thawmhnaw (underwear) sexy deuh lei sak
In chhung sekrek khawiha tui thar thut
“Ka hmangaih che,” tih chin thar thut
A thiltih a fak deuh fo
SMS thawn ngun deuh thut
A thusawi ngaihthlak uluk thar thut