Hmeichhe zinga irh ring thei ber

US nu pakhat, Kimberly Winter chuan khawvel hmeichhe zinga irh (burb) ring thei ber record a siam. A irh rin theih zawng hi hi 107.3 decibels a ni a, a hmaah hetiang record chu Italian Elsa Cagoni’n 2009 a siam niin, 107 decibels a ringin a irh thei a, he record hi kum 14 vel zet a din hnuah Kimberly hian a rawn khum ta a ni.
107.3 decibels hi a ring khawp mai a, electric handheld drill te hi a ri ring zawng hi 90-95 decibel) a ni a, bike thenkhat hi a throttle an han pump vak pawha 100-110 decibel a ri ring chauh te pawh a awm nia. Chuvangin Kimberly irh rin zawng hi pui ve tak a ni.
Guinness World Record chuan Kimberly irh rin zawng hi thil ri dang awm miah lohna, soundproof room-ah a ri rin zawng hi an teh a ni.