Hmeichhe zinga tattoo ngah ber

Esperance Lumineska Fuerzina hian tattoo a’n uar khawp a, a kut leh ke bakah a luvun thlengin a tattoo a, chu pawh a la duhtawk lo, a lei (tongue) bakah a mitmu var (sclerae) te pawh a tattoo a, a serh thlengin tattoo a chhutkai tir a nih chu! Chutiang na na na chu Guinness World Records tan pawh khawvel hmeichhe zinga tattoo ngah bera puan loh chi pawh a ni lo.
Esperance chuan, “Guinness World Records chhungkuaa min telh ve hi a lawmawm ka tihrualin min barakhaih ve tho mai,” a ti a, a tattoo ngah avangin miin an hmu duh thin hle niin a sawi a, chutiang chu ngaiah a nei tawh. “Ka naupan laiin Guinness World Records bu ka en thin a, record siamtute ka ngaisang thin khawp mai a, tunah chutiang zingah ka tel ve ta hi a nuam ve hranpa a ni,” a ti bawk.
Kum 36 a ni tawh a, Army veteran niin, a taksa zawng zawng a tattoo chhuak deuh vek a ni tawh mai a, hei bakah hian tun kum 10 kalta chhung khan a taksa siam danglam (body modification) 89 a nei hman a, hei hi Guinness chuan hmeichhe zinga taksa siam danglam tam berah an puang tel bawk. A taksa siam danglam zingah hian a lei pawh telin, a zai kak tir a, rul lei ang deuh a nei ta a ni.