J’Adore hmatheh Rihanna

Rihanna chu queen of Dior thar a ni e. He zaithiam leh sumdawng hausa ni bawk hi Dior nuaia J’Adore Fragrance chuan hmathehah hmangin, Steven Klein direct short film-ah a inlan a, Rihanna, kum 36, hian Dior spokewoman rei tak lo ni tawh Charlize Theron a thlak ta a ni.
Dior YouTube caption-ah chuan, “Thiltithei, langsar leh mi hnehthei,Rihanna hian Steven Klein-a lens kaltlangin J’Adore hmeichhiat duhawmna leh zalenna a chawinung a ni. J’Adore leh Rihanna, suangtuahna ram a intan ta,” tiin an tarlang.
He short film-ah hian 2016-a Rihanna hla hit ‘Love on the Brain’ an hmang a, Rihanna hi Palace of Versailles, France-ah a inthehthil a, rangkachawk rawng kawrfual hain, heels nen tui chungah a pen per vel chhek chhek mai a, a tawpah, camera melh chungin, no tawka mengin, “I duthusam chu thlen tir raw le,” a ti sap mai.
Rihanna leh Dior inlaichinna hi tunhnai thil mai a ni tawh lo va, he brand fashion show hrang hrangah Rihanna hi a lo inlan tawh thin a, kumina Paris Fashion Week-ah pawh khan inlanin, a fa hmasa zawk a pai lai pawhin a lo inlan tawh a, 2015 khan Dior tanaa Black ambassador hmasa ber a ni tawh bawk.