Hmeichhia ten mipa lakah eng nge an zep thin

Hmeichhia ten mipa lakah eng nge an zep thin
Social media website-in nula thenkhat, ngaihzawng nghet nei lai te hnenah “I bialpa lakah eng nge i zep ang?” tih survey an nei a. A tirah chuan chhanna an dawng tha vak lo a, an chhanna pawh a inang lo hlawm hle. Hmeichhe tam zawk chuan an thuruk chungchangah an inpuang tha duh lo a, thu zep ruk an ngah hle a ni ngei ang.
Mahse, an inzep reng thei hlawm lo, he poll hian ngaihven a hlawh ta riau a, survey-naa hmeichhe tam zawk pawhin a rei hnuah chuan huaisen takin an thuruk te an puang ngam ta a, an bialpa te laka an zep ruk thin te hi mipa te tan hriat ngei a pawimawh ang!
1. I bialnu kha nang aia tilawm thiam an awm lo ni te pawhin i ngai mai thei, mahse, hmeichhe tam zawk chuan an ‘fun experiment’ hi an zep tlat a nia. Hmeichhe tam zawkin an awmdan atangin tu ten emaw an lakah ngaihdan an lo siam mai an hlau a, thenkhat chuan an ‘dirty little secrets’ chu tuna an ngaihzawng ten an hriat chuan an thik emaw ngaihthat loh phah nan emaw an hman an hlau. Mipa zawng zawng deuhthawin an ngaihzawng te bialpa hmasa zawk aiin “Ka zei zawk em?” tih hriat an chak theuh a, chu chu hmeichhe tan a ninawm hle.
2. An thian te nen eng nge an sawikhwm tih hi an zep tlat thin. Hmeichhe rual awmkhawm titi chu a phawkphawhraw thei hle a, mipa rual awmkhawm ai mahin an titi a turu zawk fo thin. Chutiang huna an thiante thusawi chu an zep tlat thin.
3. Hmeichhia chuan a hmelthatna thuruk kha i hriat a hlau riau. Engtin nge nileng leng a nalh taka a lan theih tih te i ngaihtuah ngai em. A nalhna thuruk chu a cosmetic back-up te kha an ni. Mahse, a make-up hmanthiam vanga lang tha mai mai ang leka i ngaih erawh a hlau teh a nia. A arngeng khuhbona make-up te kha i hriat a hlau a, chutiangin a vun chuar leh mawi lo deuh lai a hlaih khuh dan te pawh i lakah a zep ve tang tang ang.
4. A ngaihzawng hlui laka a rilru puthmang dik tak chu engtikah mah i hre chhuak lovang. Nang nen in intawn hma khan thil tam tak a lo tawng tawh a, ngaihzawng te pawh a lo nei tawh a, hmangaih tak pawh a lo tawng tawh ang. Mahse, chu chu tuna an bialpa te rilru tinatu a nih an hlauh avangin an ngaihzawng hlui te laka rilru an pek dan chu an zep tang tang thin.
5. An bialpa te chhungte, a bikin an farnu leh nu te laka an rilru put dan dik tak anb zep tlat thin. Hmeichhia ten mipa nu leh an farnu te chu an ngaina lo a nih pawhin an bialpa te rilru tihnat an hlauh avangin an rilru dik tak an zep tang tang thin.