Khawvela pa upa ber a thi
Khawvela pa upa ber a thi
Khawvela mipa zinga upa ber John Alfred Tinniswood, kum 112 chu November ni 25 khan a thi a, a thih thu hi nimin khan an puang. Tinniswood hi August ni 26, 1912 apiang a ni a, khawvel indopui tum hnih paltlang tawhin, khawvel huap hripui leng pawh tum hnih a tuar chhuak tawh a, April 2024 khan kum 114 mi ni a Juan Vincente Perez a thih hnuah Guinness World Records-in khawvela mipa damlai zinga upa berah an puang ta a ni.
Tinniswood hi Liverpool a piang niin, Blodwen nen 1942-ah inneiin, fanu Susan an nei a, Blodwen hian 1986 khan a thihsan ta a ni. Tinniswood hi British lalnu boral ta Queen Elizabet II khan a pianchamphaah birtday card a thawn ziah thin a, Queen Elizabeth II hi kum 14-in a naupang zawk a, 2022 khan chatuan ram a lo pan ve tawh bawk a ni.
Khawvela pa upa bera an puan khan Tinniswood chuan a damrei chhan an zawhna chu, “Vanneih vang mai mai,” tiin a chhang a, “Damrei leh rei loh hi keini thu pawh a ni teh vak lo,” a ti.