Hmeichhia ten mipa rilru game an khel

Hmeichhia ten mipa rilru game an khel
Mipa aiin hmeichhia te chu rilru game khel thiam zawk a ngaih an ni thin a, mipa rilru khawih zawng taka awm an thiam zawk a, mipa te induh tir dan leh inngaih tir dan pawh an thiam zawk niin relationship lama mithiam ten an sawi. Tun tumah hian hmeichhia ten mipa laka rilru game an khelh thin ni a relationship lama mithiam te sawi kan rawn tarlang dawn a ni.
1. Hmeichhia ten mipa innghah tir hi an thiam zawng tak a ni. Khawiah emaw in chhuak dun dawn emaw, eng emaw inti dun dawn emaw pawh a ni thei, chutiang hunah chuan a hun taka thleng chat chat hmeichhia sawi tur an tam lo fu ang. Mipa innghah tir hi nuam an ti riau te pawh a ni mah na. Mipa nghah ngaia a awm hian pawimawh riaua inhriatna leh a tikawi vel thei zawk an ni tih lantir an duhna pakhat a ni.
2. Hmeichhia, a bik takin kum 20-30 vel bawr hian an ngaihzawng/kawppui te hnenah zawhna mei nei zawh an ching riau. Entir nan, an thawmhnaw hak chuan a tilang thau em? tih te an zawt a. Mipain ‘Aw’ ti a a chhan leh eng emaw pehhelna tur an zawng leh daih a, ‘aih’ a tih chuan, amah hrechiang tak tak lohah a ngai leh daih bawk si. ‘Ka hre lo’ a tih leh, amah ngaihsak tawk lo tihna emaw a ni leh daih a!
3. Hmeichhia reng rengin a tirah chuan chuti maia awlsama ngaihzawn theih a ni tih lantir a tum deuh ngei ngei a, mipa tan awlsam tea chhaithluk theih anga awm an tum lo. Hei hi mipa an ‘test’-na a nih rualin, amah a indah pawimawh vena pakhat a ni.
4. Hmeichhia chuan a tlangpui thuin thil hre vak lo anga lan an tum phawt thin. An mipa duh deuh te bulah chuan an hriatsa reng pawh hre lo anga awm tlat te an ching a, hei hi mipa han tirh kual vel an duh vang te a ni thin. Entir nan, TV wire connect dan te chu a hre lutuk, mahse, hre lo niawm taka awm a, mipa han tih tir vel kha nuam a ti ve tlat.
Heng te hi hmeichhiain a duh zawng mipa a tih tir theih nan mipa laka rilru game an khelh thin tam tak zingah tlem a zawng chauh a ni e. Harsatna dang a awm loh chuan naktukah mipa ten hmeichhe laka game an khelh thin te rawn tarlan ve leh kan tum ang.