Baran, Rajasthan, India-ah nupa tuak 2,143 darkar 12 chhunga inneiin, hmun khata innei tam, Guinness World Record an siam. A hmaa hetiang record chu 201-a Yemen-a an siam niin, tuak 963 an innei a, he record hi an rawn khum chiang hle a ni. He record siamnaah hian Hindu dana innei a tam zawk an ni a, Muslim dana innei an awm nual bawk.
He inneih record hi Shri Mahaveer Goshala Kalyan Sansthan buatsaih a ni a, anni hian miharsa zawk ten inneih senso tlem zawka an tih theih nan ma an lak pui thin a ni.
He record siamnaah hian inneih danah a dik thlapin engkim an tikim vek a, nupa tuak tharte chu state chief minister Ashok Gehlot leh Cabinet Minister Pramod Jain Bhaya te hnen atangin malsawmna an dawng vek a, nupa tuak thar zawng zawng te hian tlereuh an dawn bakah, mattress leh bedding, choka bungrua leh inchhung mamawh chi hrang hrang bakah TV, fridge, cooler leh induction cooker te pawh an dawng vek a ni.
Hmun khata innei tam record
Get real time updates directly on you device, subscribe now.
Prev Post
Next Post