HMV tan Teirei lei him lo

Bairabi – Zamuang inkar kawnga R Teirei lei chu tunhnai ruahsur nasa avangin August 24 khan a innghahna (abutment) a min a. Lirthei lian (HMV) tan zawh a him tawko nia hriat anih avangin lei siamthat hun chhung atan load restriction siam a ni.
Mamit SP Lalthangpuii Pulamte chuan danin thuneihna a pek ang leh sawrkar hriattir dinglai tlawhchhanin, Bairabi leh Zamuang inkar kawnga R Teirei lei hi August 26 – 31 chhungin lirthei HMV tan zawh phal a ni lo a. Hemi hun chhung hian lirthei LMV leh a hnuailam tan chiah zawh phal a ni tih mipui a hriattir.
Lirthei khalhtute leh passenger-te tana himna tura thupek hi zawm theuh turin SP chuan mipui a ngen a. He thupek bawhchhia chu U/s 179 MV Act hmanga hrem an ni dawn tih a sawi a ni.