Hnahsin Kût chhimin Gixxer Club an luang chhuak zui dawn
Mizoram Gixxer Club chuan hmabak phurawm tak an nei tih an sawi a, ningani zing khan Champhai lam panin rider 30 chuang an feh chhuak.
LBS Suzuki showroom, Bawngkawnah hun tawi tê an hmang hmasa a, Suzuki Motorcycle India regional manager Ashish San leh area manager Hriday San chuan telpuiin Gixxer Club president Joseph Lalliankima’n a vai liam.
Champhai panin Suzuki Gixxer rider 30 chuangin an lo zawm belh dawn a, Hnahsin Kût neih mek chhimin hun hlimawm hman ho an tum bakah, Keilungliah leh ramri an tlawh nghal dawn a, hmun remchangah inkulh khawmin zan hnih an riak ang a, inrinniah an haw leh dawn a ni.
September 2017-a din Mizoram Gixxer Club hotupa Joseph-a chuan : “Kum khatah a tlangpuiin vawi thum vel kan ride thin a, intihhlimna a nih piah lamah tanpuina pek chhuahna atan kan hmang ber.
“Kan inpui LBS Suzuki-in min sponsor thin avangin kan lawm a, mi hnuaihnung leh chanhai zawkte tana pen chhuahna hi kan tih chhan ber a nih thin avangin kan phur tlangin nuam pawh kan ti. Tun tumah hian Aizawl atangin 30 vel kan chhuak a, Champhaiah 30 chuangin min lo fin leh turah kan ngai,” a ti.
Rider 70 vel tel tura ngaih an ni a, anmahni buaipuitu tur mi 20 vel rawih an ni tel a, LBS Suzuki chuan senso leh thil hrang hrang atan Rs 7,00,000 thleng a tumsak thei dawn a ni. Mizoram khaw chhak tlawha hun an hman zawh hnu hian chanhnai enkawlna hmun hrang paliah cheng nuai chuang theuh sem chhuak zui turin ruahmanna an siam bawk.
Kum tir khan Gixxer Club-in riahbuk sual chawpin Reiek an tlawh tawh a, May khan Lengpui thlawhtheihna tumhmun tlawh bawkin tanpuina sum Rs 2,00,000 chuang an sem chhuak tawh a ni.
Hnahsin Kût chhimin Gixxer Club an luang chhuak zui dawn
Get real time updates directly on you device, subscribe now.
Prev Post