Hnathawh tur enfiah

Hnathawh tur enfiah
Aizawl West II bialtu MLA, minister Lalruatkima chuan a bial chhung Kanan Venga SASCI sum hmanga hnathawh tur chu Zirtawpni zing khan PWD hotute hruaiin an enfiah.
SASCI sum chu sum a lo thlawna hmanral mai mai tur a ni loa, hmasawnna hnathawhna tura ruahman a nih angin, hlep tam duhna ringawt emaw rilru pua thawk lo turin minister hian hnathawktu turte chu a hrilh a, tlo leh tha rintlak a ni tur a ni, tiin a sawi.
Faina leh thianghlimna ngaihpawimawh a tul tih sawiin, “Mahni in bul leh a vel bakah tuiluankawr pawh midang tihfai kher nghak loa, ka tih tur a ni, tih rilrua dah chung a, khua leh tui thate mawhphurhna hlentu nih a pawimawh,” a ti.
SASCI hmanga hnathawh tur hi Kanan Venga RKA Road kawng chhuat siamthat bakah Kanan Veng thlanmuala mitthi vuina hall leh parking siam leh kawngsira thut hahdamna siamnate a ni.