Hnathawk hlawh pe lotu Consumer Court-in pek tir

Serchhip District Commission chuan tunhnaia Consumer Court thuremna an tihchhuahah Kifa Company dintute chu an hnuaia hnathawk, Serchhip Darnam veng ami hlawhan pek kim loh pe turin a ti.
Serchhip District Consumer Court thupeka tarlan danin, 2025 November 6 khan Serchhip Darnam Veng mi chuan Kifa Company, Bawngkawn Bridage Road Aizawl lakah thubuai thehlutin, he Company hian an hnuaia a thawh laia a hlawh, July 2024 – September 2024 (Rs 21000) chu an pe duhlo tih a thlen a. Consumer Court-ah he thubuai hi ngaihtuah niin, thubuai ngaihtuah lai hian he Company hi a ding tawh loa, a dintute hian an bansan zo tawh tih sawi a ni.
Amaherawhchu he Company a din laia a khaipate chu mawh phurh tirin, he Company an din laia an bungraw la neih ho chu Court hian a tihral tir a, hemi atang hian complaint-tu hlawh Rs. 21000 hi Court hian a pek tir a ni.