Manipur buaina vanga hnuchham naupang rawn raltlan, Discipleship Making Ministry (DMM) Children Home-a naupang 30, Mizoram sawrkar enkawlna hnuaia Berawtlanga Art & Culture building-a awm mekte chu Thawhlehni khan Mizo Zirlai Pawl chuan tlawhin thilpek an hlan.
MZP Gen. Hqrs. hian sumfai Rs. 5000 bakah buhfai kg.50, Mizo Bible 35, hlabu 35, Lalhmachhuana Zofa ziah thawnthu bu 22, mutbu 30, scale box 5, pencil, pen, lehkhapuan, naupang lawm chi hrang hrang, thawmhnaw thahnem tak leh ei tur chi hrang hrang an pe.
DMM Children Home-ah hian Zofa hnam hrang hrang, mipa naupang 16 leh hmeichhe naupang 14 an awm a. An founder Rosaline Kimi leh thawktu dang pahnihte chu Mizoram sawrkarin Aizawl bawrhsap kaltlangin a enkawl mek. Naupangte hi Zofa hnam hrang hrang, haw na tur nei tawh lo, hnuchham leh enkawltu nei tawh lo an ni a. A naupang ber kum 5 mi niin hak lai nena lo tlan an nih avangin, mamawh leh tlakchham an ngah hle tih MZP hruitute chuan an sawi.
Hetihlai hian MZP chuan Manipur buaina kal mekah Manipura Zohnahthlak zirlai pawl leh tribal hnam hrang hrang hruaitute nen a ranglama thutkhawm a rel.
Hnuchhamte tan MZP-in hlan
Get real time updates directly on you device, subscribe now.
Prev Post