Hnung zawnga invawrhvir chunga balloon pet kehin record siam

Trampolinist Julius Bille, kum 13, Frankfurt, Germany a cheng chuan, trampoline-a zuanga, hnung zawnga invawrhvir chungin second 44.37 chhungin balloon 20 a pet keh hman a, Guinness World Record, trampoline a hnung zawnga ainvawrhvir chunga balloon 20 pet keh rang thei ber record a siam.
Julius Bille hian a pheikhawk chhipah thil zum a dah ve ve a, a lu chunglamah thil tuai vir theihah balloon pahnih zelin an khai a, a pet keh tura lo tuaivir zeltu an awm a, ani chu trampoline-ah zuangin, a hnung zawngin a invawrhvir a, chumi pah chuan a lu chunga balloon chu a ke a tihkeh a tum ta thin a ni.
Record siam tuma a beihnaah hian balloon han pet thelh deuh chang te pawh a nei nain, harsatna lutuk nei lovin record a siam thei ta a ni. Record hi Italian TV show Lo Show dei Record-ah siamin, Guinness lam atangin official adjudicator Sofia Greenacre leh Lorenzo Veltri ten a hmunah an endik a ni.
A hmaa hetiang record chu second 82.66 chhunga balloon 20 tihkeh a ni a, Julius hian second 44.37 chhunga balloon 20 tikehin record thar a siam ta a ni.