Hollywood Walk of Fame-a arsi nei thar tur zingah Miley Cyrus leh Deepika Padukone an tel
Hollywood Walk of Fame-a arsi nei thar tur zingah Miley Cyrus leh Deepika Padukone an tel
Kumina Hollywood Walk of Fame-a an puala arsi an dah thar tur zingah music star atangin Miley Cyrus, Josh Gorban, Lyle Lovett leh Bone Thugs-N-Harmonu an tel a, Bollywood star, Hollywood lamah pawh mikhual tawh bik lo Deepika Padukone pawh telin, ani hi Indian actress zinga Hollywood Walk of Fame-a arsi nei thei tura thlan hmasak ber a ni. Anni bakah motion picture, television, live theater/live performance leh sports entertainment atanga arsi nei thei tura an thlan thar hi an vaiin 31 an ni tih July ni 2 khan an puang.
Actor atanga arsi nei thei tura an thlan zingah film a music legend lema a cang, Timothee Chalamet (A Complete Unknown film a Bob Dylan lema chang), Rami Malek (Bohemian Rhapsody film-a Freddie Mercury lema a chan avanga Oscar dawng) leh Marion Cotillard (La Vie En Rose film0a Edith Piaf lema a channa a Oscar dawng) te pawh an tel.
Kumin hian US pawn lam mi an tel tam riau a, US-Australian pop group Air Supply, Brazilian musician Paulinho da Costa, Beninese-Frenc musician/actress Kidjo, Mexican entertainer Lucero, Filipino singer/actress Lea Salonga, British actress Emily Blunt, French actress Cotillars, Canadian actress Rachel McAdams, Iatlian actor Frenco Nero, Indian actress Deepika Padukone leh British celebrity chef Gordon Ramsey te pawh an tel.
Hollywood Walk of Fame a chawimawi turte hi Hollywood Chamber of Commerce hnuaia selection panel-in nomination hrang hrang atangin an thlang thin a, Walk of Fame selection committee-a chairman Peter Roth chuan thuchhuah siamin, “Heng talent nei tha tak tak te hian entertainment khawvelah an thawh hlawk hle a, an phu ang ngeia kan chawimawi thei tur hi kan phur hle a ni,” a ti.
Arsi nei tura an thlan te hian kum hnih chhungin an puala arsi hi an dah hman a ngai a, kum hnih chhunga an tihfel hman loh chuan thlan an nihna hi a tawp dawn a ni. Arsi hi Hollywood Chamber of Commerce hian an sum sengin an siam sak lo va, milarte hian sponsor-tu neih a ngai a, chuta tang chuan arsi hi siam sak thin an ni.
Hollywood Walk of Fame Class of 2025:
RECORDINGS
Air Supply
Bone Thugs-N-Harmony
Paulinho da Costa
The Clark Sisters
Miley Cyrus
Josh Groban
Intocable
Angélique Kidjo
Lyle Lovett
MOTION PICTURES
Emily Blunt
Timothée Chalamet
Chris Columbus
Marion Cotillard
Keith David
Rami Malek
Rachel McAdams
Demi Moore
Franco Nero
Deepika Padukone
Molly Ringwald
Stanley Tucci
Carlo Ramboldi (Posthumous)
Tony Scott (Posthumous)
TELEVISION
Greg Daniels
Sarah Michelle Gellar
Lucero
Chef Gordon Ramsay
Melody Thomas Scott
Robin Roberts and George Stephanopoulos (double ceremony)
Bradley Whitford
Noah Wyle
Live Theatre/Live Performance
Lea Salonga
Gabriel “Fluffy” Iglesias
Sports Entertainment
Shaquille O’Neal