Hollywood Walk of Fame-a anmahni puala arsi nei thei tur an thlan chhuah thar mi 31 zingah Gwen Stefani, Dr. Dre, Def Leppard, Darius Rucker leh Toni Braxton te pawh an tel. Walk of Fame selection committee-in nomination 100 chuang atangin an thlang chhuak a, Hollywood Chamber of Commerce board of directors-in an lo pawmpui ve leh thin a ni.
Walk of Fame selection committee-a an chair Ellen K, KOST radio personality chuan press conference neiin Walk of Fame-a arsi nei thar tura thlan chhuah te hi a puang a, “Committee-in heng mi talent nei tha tak tak thlan chhuah kawngah hian hna tha tak an thawk a ni. Heng thlan chhuah ten an puala arsi hi an hawn theih thuai kan beisei a ni,” a ti.
Dr. Dre hian tunhnaiah chawimawina a dawng nasa hle a, Primetime Emmy a dawn tawh a, The Pepsi Super Bowl LVI Halftime Show-ah a perform a, kumin Grammy-ah khan Dr. Dre Global Impact Award a dawng a, kar liamta mai khan ASCAP Hip-Hop Icon Award chu 2023 Rhythm & Soul Music Awards-ah an lo hlan tawh bawk a ni.
Walk of Fame-a arsi nei thei tura thlan chhuah thar te hi a tam zawk chu recording category atanga thlan an ni a, chutih rualin Otis Redding (1967-a thlawhtheihna chesuala boral tawh) chu live theater category atangin thlan a ni a, actress-singer Sheryl Lee Ralph pawh television category atanga thlan zingah a tel.
Kumin Oscar-a ‘Everything Everywhere All at Once’ avanga best actress award dawng a, Asian zinga he award dawng thei hmasa ber ni ta Michelle Yeoh pawh motion picture category atanga thlan zingah telin, ani bakah hian mihang lemchan thiam boral tawh Chadwick Boseman pawh a tel.
Walk of Fame-a arsi nei thei hi an puala arsi hawn hun tur hi a ni leh thla bituk sak an ni lo nain, thlan an nih atanga kum hnih chhunga arsi hi hawng hman tur an ni a, kum hnih chhunga an puitlin hman loh chuan thlan an nihna hi a tawp dawn a ni.
Hollywood Walk of Fame hi 1960 atanga an tih tan niin, Hollywood Boulevard-ah kea kalna block 15 leh Vine Street, Los Angeles-ah block thum awh tawhin milar arsi nei 2,700 chuang an awm tawh a, khualzin ten an tlawh nasat bakah milar tan chuan helai hmuna arsi neih ngei hi an larna tifamkimtu pakhat a nih ve tlat avangin ngaihhlut pawh a hlawh hle a ni.
Walk of Fame-a arsi nei tura thlan chhuah te hi category paruk-ah then an ni a- motion pictures, tevelision, live theater/live performance, radio, recording leh sports entertainment te niin, kumina thlan chhuah te chu-
Recording
Brandy Norwood
Charles Fox
Darius Rucker
Def Leppard
Dr. Dre
Glen Ballard
Gwen Stefani
Sammy Hagar
Toni Braxton
Motion pictures
Chadwick Boseman (posthumous)
Chris Pine
Chris Meledandri
Christina Ricci
Gal Gadot
Kevin Feige
Maggie Gyllenhaal
Michelle Yeoh
Television
Eugene Levy
Jim Nantz
Ken Jeong
Kerry Washington
Mario Lopez
Michael Schur
Sheryl Lee Ralph
Raúl De Molina & Lili Estefan
Live theater/live performance
Otis Redding (posthumous)
Jane Krakowski
Sports entertainment
Billie Jean King
Carl Weathers
Radio
Angie Martinez
Hollywood Walk of Fame Class of 2024-ah Gwen Stefani, Dr. Dre leh Def Leppard an tel
Get real time updates directly on you device, subscribe now.