Home voting phalsakten vote an thlak kim lo

2023 Mizoram MLA inthlanah tum danga la tih ngai loh Election Commission-in a ruahman thar ‘home voting’ a awm a. Polling station-a kal harsat kum upa kum 80 chunglam leh pianphunga harsatna neite pual a ni. Tun tumah hian diltu zinga phalsak tak mi 2095 chuan vote an la thlak vek loa, 2059-in an thlak tawh.
Inthlan atan hian home voting phalsak te bakah inthlana duty tur engemawzatin postal ballot hmang hian vote an thlak tawh a. November 4 (Inrinni) tlai dar 5.00 thleng khan home voting-ah 2059 leh duty turte an thlakna – Facilitation Centre voting 8526, a vaiin vote 10585 a tla a ni.
Hetihlai hian mahni khaw lama vote thlak turte pawhin an khaw lam an pan mek zel a ni.
Inrinni khan inthlan inpuahchahna kalpui dan chungchangah chief electoral officer Mizoram Madhup Vyas chuan district election officer te, returning officer te leh critical polling station leh P-2 a duty tur sector officer-te inbiak hmuh theihna kaltlangin a thutkhawm pui a; hmalak tawh dan leh ruahmanna an neih dan thlirho a ni.
Sl. District Home Postal Total
No. Voting Ballot
1. Mamit 42 507 549
2. Kolasib 138 708 846
3. Aizawl 875 1659 2534
4. Saitual 150 373 523
5. Khawzawl 111 250 361
6. Champhai 87 618 705
7. Serchhip 168 673 841
8. Hnahthial 50 175 225
9. Lunglei 189 1393 1582
10. Lawngtlai 96 1518 1614
11. Siaha 153 652 805
TOTAL 2059 8526 10585