Hospital hmunhma enfiah

Health & Family Welfare minister Dr R Lalthangliana chuan Zirtawpni khan Serchhip District Hospital leh Health department hmunhma a enfiah.
Serchhip District Hospital building hlui thenkhat thiatin khum 100 awm theihna tur Hospital building thar sak a nih dawn avangin minister hian a sak dan tur ruahman mek a enpui a. Building thar sakna tur lungphum hi phum thuai tum a ni. Hopsital hmunhma tlawhkualin thawktute dinhmun leh damlo enkawlna hmanrua an neih dan te, an mamawh hrang hrangte a enfiah a ni.
Serchhip district-ah hmasawnna hmuh tur tam tak a awm rualin, tan lak tulna engemawzat a la awm tih Dr R Lalthangliana hian a sawi a. Hriselna kawnga hmalaknaah sawrkar leh thawktute chauh tih theih a ni loa, mipui nen tangruala hma lak a tul tih a sawi a ni.