Hospital sak bul tan thuai ring
District thar tana hospital sak turah Saituah District Hospital pawh sak bul tan thuai a beisei tih Health & Family Welfare minister Dr R Lalthangliana chuan a sawi.
Health minister hian Thawhlehni zan khan Saitual District Hospital a tlawh a. Chief medical officer pisa sak mek chu enfiah nghalin, District Hospital thawktute nen an inkawm.
Saitual District Hospital chu hmun laili leh remchang taka awm a ni, tiin, tawhsual tawk leh intipalh hrang hrangten an pan khawm nasat a ni tih a hriatpui thu a sawi a. Thawktuten a hnena mamawh an thlen hrang hrang – physiotherapy, endoscopy leh ECG khawl tharte chu CSR sum dil an hmuh hunah a ngaihtuahsak tur thu hrilhin, an mamawh hrang hrangte chu Health & FW principal director hnena thlen turin thurawn a pe a ni.
Health minister hian World Bank sum hmanga Saitual District CMO pisa sak mek chu a enfiah a. District thar pathum – Khawzawl, Saitual leh Hnahthialah te District Hospital cheng nuai 1700 theuh senga sak a nih tur thu sawiin, Saitualah pawh bul tan thuai anih a beisei thu a sawi bawk a ni.
Hospital sak bul tan thuai ring
Get real time updates directly on you device, subscribe now.
Prev Post
Next Post