District Hospital Kolasib, khum 100 awm theihna tura ruahman, chhawng 5-a sang tur sak mek chu Inrinni khan Health & Family Welfare Minister Dr.R.Lalthangliana’n a tlawh.
Health minister chuan Kolasib district-in hospital changtlung tak an nei thei tur chu lawmawm a tih thu a sawi a. Kolasib District Hospital building dinglai chu a sakna a rei tawh a, a chhe tawh a, luah reng tlak a ni tawh lo, tia sawiin, bialtu MLA, minister Pu K Lalrinliana pawhin District Hospital thar sak chu a ngaihpawimawh leh a sawi zin em em a ni a, mipui pawhin an nghahhlelh, a taka bul tan theih a ni ta chu lawmawm a ti hle tih a sawi a ni. District Hospital thar hian District Hospital puitlingin a ken tel leh mamawh pawh a kengkim thawkhat viau tura a beisei thu a sawi bawk.
NECIT sum atanga hmuh cheng nuai 2000 senga sak tan mek he hospital thar satu VRC company Delhi-ten harsatna an neih leh neih loh minister hian a zawt a; electric ban pahnih sawn chungchanga an harsatna chu lo hrilhin, Power & Electricity engineer in chief a biak hnu ah vawiin, March 5-a sawn tura tihfel nghal a ni.
Hospital thar sak mek tlawh
Get real time updates directly on you device, subscribe now.
Prev Post
Next Post