German hratkhawkheng pahnih chuan van sanga hot air balloon pahnih inkara hrui inthlung zawhin, record an siam. An hrui zawh hi feet 8,202 a sangah a ni a, slackline walk sang ber record niin Guinness World Records chuan a tarlang. A hmaa hetiang record chu 2021-a siam niin, feet 6,236 a sang a ni.
Heng German hratkhawkheng pahnih te hi Friedi Kuhne leh Lukas Irmler te an ni a, Riedering khaw chung boruak sang taka hot air balloon hmanga thlawk kângin, chu hot air balloon pahnih inkara hrui thlun chu an zawh ta a ni.
Irmler chu hruai thlun zawh hmasa zawkah tangin, “World Record siam tum chu a hautak kher mai. A pressure a sang vang vang em mai,” a ti. A thianpa, Kuhne chu a kal hnuhnung zawk niin, “Balloon kha a che reng a, a changin a tlahniam a, a changin a kang sang leh bawk a,” a ti. Kuhne hian hrui thlun zawh chhuak record an siam hnuah a lawm nan balloon atang hian parachute hmangin a zuang thla zui ta a ni.
Hot air balloon pahnih boruaka kâng inkara slackline walk tiin record siam
Get real time updates directly on you device, subscribe now.
Next Post