Assembly Budget Session neih meka thu inchuh awma House chhunga thusawi awm nia sawi, a dik leh dik lo zawk chhuichiannaah MLA Lalduhoma chuan minister Robert Romawia Royte chungah ngaihdam a dil.
Mizoram hmeichhe footballer pakhat, state aiawha a chhuahnaa hliam a tawrhna inenkawlna state sawrkarin a pek leh pek loh thu inchuhna kalzelah February 21 khan hemi chungchang hi House-ah sawichhuah leh a ni a, sawrkarin inenkawlna tur ‘kan na’ a pek danah ZPM MLA Lalduhoma hian Sports minister Robert Romawia hi House chhunga a thusawi dan thlak lehah a puh a, minister hian a thusawi nia Lalduhoma’n a puhna chu House chhungah a sawichhuak lo hrim hrim niin a sawi thung.
He inchhalna hi speaker Lalrinliana Sailo chuan, House zahawmna tihbawrhban theihna leh mipui hmaa thudikloa inchhal theihna a ni, tiin, House-a thusawi tawh dan hailet a, tunge thudik lo sawi zawk tih enchian an ngam em, tiin thu inchuh neitu House member pahnihte hi a zawt a, a diklo zawkin ngaihdam dil se, tiin rawtna a siam a ni.
Hemi ang hian, MLA Lalduhoma’n minister Robert Romawia a puhna ni – 2023 February 10-a House proceeding hi Assembly Secretariat hotuten an enlet a, February 22-a Session-ah speaker hian an chhuiletna hi puangin, minister Robert Romawia tanna hi a dik zawk tih a sawi a ni. An thil enlet danah hian House pawnlam thu an thlir tel loa, Assembly Secretariat chuan House chhunga thil thleng chiah a thlir tih a sawi tel bawk.
Speaker rawtna siam tawh angin MLA Lalduhoma hian ngaihdam a dil a. House chhunga he infiammi inhliam enkawlna atana sum pek a nih dan a sawichhuah chu, hemi zan hian inhnialna a chawkchhuak zui a, social media-a thu lengvel leh House-a an thusawi chu a lo ngaihfin ta a ni, tiin, pawi a tih thu a sawi.
“Hrereng chunga tilui ka ni loa, ka hriatsual palh liau liau a nih avangin minister chungah ngaihdam ka dil a. Speaker leh (House) member leh mipui hnenah ngaihdam ka dil bawk a ni,” Lalduhoma hian a ti.
Hetihrual hian House-a inhnial a nih laia Sports minister-in he infiammi an sawi hian phone hmangin an harsatna a hrilh tia a puhna, minister-in phone-a an inbe lo nia sawi chu, social media lamah an inbiak zia a darh nasa ta hle a, minister pawh hi a tawngsual palh nia a hriat thu sawiin, “A hriatsual palhah ngaih sak ila, ngaidam ve tho ila ka duh,” a ti. He thil hi House-ah chuan sawizui loa tawpsan tawh nise a duh thu a sawi bawk.
House-a thu inchuhnaa dik lo zawk MLA Lalduhoma’n ngaihdam a dil
Get real time updates directly on you device, subscribe now.
Prev Post
Next Post