Zirtawpni kalta khan Howard University board of trustees chuan rapper, producer leh sumdawng Sean ‘Diddy’ Combs hnena 2014-a honorary degree an lo pek tawh chu thiat lehin, Combs-a’n an university tana dollar maktaduai 1 a lo thawh tawh pawh an pe kir a, Sean Combs Foundation nena dollar maktaduai 1 hû inremna an lo neih tawh pawh an titawp nghal bawk.
Howard University board of trustees chuan lungrual takin vote hmangin Combs honorary degree lak let hi an rel a, an institution-in chawimawina an pek thin sang ber hi Sean ‘Diddy’ Combs hian a phu tawh lo ni a an ngaih thu an sawi.
Howard University hi Washington, D.C. a awm, private Black research university a ni a, Combs-a’n 2016-a a ngaihzawng hlui, singer Casandra ‘Cassie’ Ventura kut a thlak lai video CNN-in thla kalta khan a tichhuak a, hemi denchhen hian Howard hian honorary degree an la pek tawh chu an hlihsak leh ta a ni.
University thuneitute chuan thuchhuah siamin, “Combs-a chetdan tunnaia video an tihchhuah ian Howard University dinchhan leh ngaihdan nen thil kalkawp thei a ni lo va, chuvangin he university-in chawimawina a pek theih sang ber hi a phu tawh lo a ni,” an ti.
Combs hi Howard University-a business major niin, mahse, a kum hnihnaah zir zo lovin a chhuahsan a, 2014-ah he university hian honorary doctorate in humanities an hlan ta a ni.
Thla kalta khan CNN-in 2016-a tuna an khar tawh InterContinental Hotel, Los Angeles-a chutihlaia a ngaihzawng Casandra kut a thlak lai surveillance video an tichhuak a. Video-ah chuan Combs hian Cassandra chu chhuat-ah nem betin, vawi hnih a pet a, chhuatah a hnuk kual a, darthlalang burin a vawm bawk.
Howard University-in Sean ‘Diddy’ Combs honorary degree an pek tawh an la lêt
Get real time updates directly on you device, subscribe now.
Next Post