Hri danna petuten buaina tawk, venghimtu pakhatin thih phah
Pakistan-in naupang kum 5 hnuai lam tana zenghri danna pek a kalpui leh hnuah an ram hmarthlanglamah thawktuten beih tawkin, mi pakhatin nunna a chan.
Pakistan hian sipaite venhimna hnuaiah zenghri danna hi naupangte hnenah tunkar tir lam atang khan a pe leh tan a, a tam thei ang ber pek hman an tum laiin he buaina hi a thleng leh ta a ni.
He thil duhawm lo thlenna hmun hi an ram hmarthlang lamah niin, hri danna petute zinga venhim hnathawktu pakhat chuan a thih phah a, sipaite chuan he thiltitute hi pathum niin, an kahhlum ve nghal thu an sawi.
Thuneitute chuan intin kalchilhin hridanna petute leh anmahni venghim tura tihte hian theihtawp chhuahin hma an la thin tih an sawi a, lo beitu misualte hian an inrin loh laiin an lo kap thut niin an sawi bawk.
Mahse, sipaite hian ruahmanna tha tawk neisaa venhimna hnathawk an nih avang hian lo beitu misualte an tihhlum nghal bakah an ralthuam neih nen ang ang nen an khawm theih nghal thu an sawi.
Hri danna petuten buaina tawk, venghimtu pakhatin thih phah
Get real time updates directly on you device, subscribe now.