Hrilen hnuah vawksa tlem telh telh

Hrilen hnuah vawksa tlem telh telh
Mizoramin arsa ngah telh telh
Nikum hmasa leh nikumah Mizoramah African Swine Fever (ASF) hrilengin vawk a suat a, he hri awm hnuah hian vawksa pawh a tlem telh telh.
Kum thum chhung vawksa a pung a, chumi hnu kum hnih chhung chu vawksa hi a tlem ta telh telh. Mizoram Economic Survey bu thar bera a lan danin, 2019-20 khan Mizoramin vawksa hi ton 8128 a nei a, a kum leh 2020-21 khan ton 6054-ah a tla. 2021-22-ah phei chuan ton 4806 chauh a ni tawh.
2021-22 hi tun hnai kum nga chhunga Mizoramin vawksa a neih tlem ber kum a ni; 2017-18 khan vawksa hi ton 7899 a awm a, 2018-19 khan ton 8117. 2019-20-ah pawh a pung a, chumi hnuah a tlahniam ta a ni.
Mizoram sa ngah ber chu arsa a ni a, 2021-22 khan arsa hi ton 5740 a thar.
Arsa hi tun hnai kum nga chung a zawn zatin a pung tawh; 2017-18 khan arsa hi ton 2042 a pung a, 2021-22-ah chuan ton 5740 a ni tawh. Ton 3698 laiin a pung.
2018-19-ah arsa hi ton 2181 a awm a, 2019-20-ah ton 2232, 2020-21-ah ton 4155 a awm. 2017-18 a\anga 2021-22 thlengtin arsa tharchhuah zat hi a pung ani.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More