Hulhliap chhuakte inzir zo

Hulhliap Short Stay Centre chhuakte tana a thlawna kutthemthiam zirna – aluminium fabrication leh assistant electrician training mi 35-in an zo.
Hulhliap-SSC Task Group on Aftercare, Skill Training & Handholding member, Mission Foundation Movement executive director Lalramchuanzela sawi danin, tun tumah hian Hulhliap SSC chhuak mi 14-in assistant electrician zir chhuakin, mi 21-in aluminium fabrication training an zo. Assistant electrician hi kumin January 28-a tan a ni a, aluminium fabrication hi February 17-a tan a ni.
Training chhuakte chu an taimaka an teirei peih phawt chuan, Mission Foundation Movement-in Japan-a a thawhpuiten Japan-ah lirthei khalha thla khata nuai chuang hlawh thei tur thalai za chuang an mamawh a, thawn chho turin an rawn ngen tih a sawi a. Chumi tihlawhtling thei tura mahni invawng a, thahnemngai tak leh taima taka thawk zel turin a sawm tih a sawi a ni.
Tun thleng hian Hulhliap SCC chhuak mi 118 hnenah certificate sem chhuah a ni tawh.