Hummels leh Nicola Cavanis a vawi khatna inzui chhuak

Kum 2022-a a nupui hlui ni ta, Amber Heard nen Football’s hottest new couple: German footballer Mats Hummels, 35, chuan a khawvel thar, Victoria’s Secret model, Nicola Cavanis chu Ballon d’Or red carpet a zawh pui.
Cavanis, 25, leh Hummels te hi footballer lar tak takte fuankhawmna leh khawvel football award ngaihhlut hlawh ber zing a mi an semna, Theatre du Chatelet, France-ah an kal dun a. Kawnga kal dun satliah pawh ni lo, ‘bana kaih policy’ hmangin an kal dun a ni.
German newspaper Bild in a tar lan danin, inngaizawng thar tir te hi an inngaihzawn thu chu thang tawh mah se, tun hi mipui vantlang hmuh leh hriat theih tura an inzui chhuah hmasak ber a ni.
Hummels hian a nupui hmasa a nei a, a hming chu Cathy Fischer a ni. June 2015 khan an innei a, kum sarih zen zawn an inneih hnuah November 2022 khan an inthen.
Kumin tir khan Hummels leh Cavanis te inngaihzawn thu hi a thang tan, an inkar boruak ngaihbel theih turin model hi Hummels te chhungkaw member angin London-ah a zin vein, Champion League final a hmunah a en. Hemi tum hian Hummels khelhna Borussia Dortmund leh Real Madrid te’n final an khel a ni.
Hummels aia kum 10 chuanga naupang Cavanis hian, modeling lamah pawh a hlawhtling chho hle a. Brand hrang hrang tan model a ni. Khawvelin a hriat hlawh tanna ber chu February 2021-a Nivea brand campaign atangin a ni.