HUNTRIX “Golden” UK-ah a No.1

HUNTRIX “Golden” UK-ah a No.1
KPop Demon Hunters soundtrack HUNTRIX (EJAE, Audrey Nuna leh Rei Ami) “Golden” chu U.K. Singles Chart-ah No.1 a kai a, tun kum 13 chhunga K-pop hla he chart-a No.1 kai leh thei hmasa ber a nih bakah UK Singles Chart-a K-Pop hla No.1 kai thei pahnihna a ni.
2012 khan UK Singles Chart-ah ian PSY hla hit bon ‘Gangnam Style’ kha No.1 a kai a, chu chu he chart-a K-Pop hla No.1 kai thei hmasa ber a ni a, chumi hnuah K-Pop group lar tak tak BTS leh Blackpink te pawh rawn chhuakin, US bakah ram hrang hrangah No.1 kai deuh zawih zawih mah se UK chart-ah hian K-Pop hla No.1 a la kai leh thei ta miah lo a, Netflix animated musical ‘K-Pop Demon Hunters’ soundtrack hian thli dang a rawn nei ta a ni.
HUNTRIX “Golden” chu US singles chart, Billboard Hot 100-ah pawh No.2 a ni mek a, UK chart-ah hian No.9 atangin No.1-ah a invawrh kai thei ta a ni.
K-pop artist-te hian UK Singles chart No.1 hi an kai teuh thei thin khawp mai a, BTS hla hit ‘Dynamite’ chu 2020 khan No.3 kaiin, ‘Butter’ pawhin 2021 khan No.3 bawk a kai a, ROSE “APT.” pawh nikum khan No.2 a kai a, ROSE hi K-pop solo female artist zinga he chart-a thleng sang thei ber a ni zui ta bawk.