I bialnu kha engtianga ‘meh’ nge a nih?

I bialnu kha engtianga ‘meh’ nge a nih?
Mipa thenkhat, hmeichhe ngam huai deuh bula awm nuam tichi an awm ve a. Chutiang hmeichhia-te chu an ‘confi a, an bula awm pawh an ninawm ngai loh niin an sawi. Chutiang hmeichhia chu an thianho zingah a hotu an ni deuh zel a, a duh duha tihkawi theih hmeichhe eng emaw zat a nei ang. I bialnu kha chutiang hmeichhia chu a ni? Heng zawhna te hi chhang la, i hre mai ang.
1. Tih zah tuma miin an chhaihin engtin nge a tih thin:
a) A kalsan nghal daih thin.
b) A chhaih let ve a, a tizak zawk hlauh thin.
c) Na takin a ti let ve hmak thin.

2. A hmeichhe thiante zingah ani chu:
a) Roreltu ber a ni.
b) Vice president ang vel a ni.
c) Hmahruaitu a ni.

3. Mipa ten ani chu:
a) Hmeichhe ‘meh’ deuh zinga a duhawm ber niin an ngai.
b) Mipa duh chi niin an ngai.
c) Hmeichhe ‘easy’ ve deuh niin an ngai.

4. In awmfal dun changin, ani chu:
a) No tak, duhawm tak siin a awm thin.
b) Inkuah deuh reng a duh thin.
c) A awm dan tur hriat lawk a har a, ti deuh bawrh bawrh chi a ni.

5. A taksa a verh em?
a) A beng a verh.
b) A beng leh hnar leh a lai (belly-botton) a verh.
c) a leh b bakah sawilan loh pawh a la awm.

6. A thiante nen intihlim turin an chhuak dawn a. Eng pheikhawk nge a bun:
a) Flip flops.
b) Sneaker tha tak emaw spunky flats.
c) Pheikhawk keartui sang (stiletto).

I chhanna chu (a) a tam ber a nih chuan: I bialnu chu hmeichhe ‘meh’ tih tur a ni hauh lo. Sweet girl-next-door an tih ang chi, midang tih lawm loh hlau chi a ni a, a chang chuan a ‘boring’ ve deuh ang.

I chhanna chu (b) a tam ber a nih chuan: Hmeichhia, a duhzawng hrechiang tak, chutih ruala midangin an ngaihdan tur hrethiam a ni a, mahni inringtawk mi niin, thil reng rengah ramri pel chin chuan a tiduh mang lo.

I chhanna chu (c) a tam ber a nih chuan: Bad girl club-ah pawh an hotu a ni. Eng nge a duh a hrechiang a, a duh chu neih theih dan pawh a hria. Midang ngaihdan tur a ngaipawimawh tehchiam lo a, hmeichhe phur thei tak a ni.