I-Day lawmnaah sawm

India ram hmun dang rualin Mizoramah pawh August 15 hian Independence Day lawm a ni leh dawn a. A hmanna hmun bik huamchhunga awm khua leh tuite chu a hmanna hmuna tel theuh turin sawrkarin a sawm a. Sawrkar hnathawkte chu tel tura hriattir an ni.
Mizoramah chuan he ni puala lawmna inkhawm lian ber chu Aizawl Lammualah zing dar 8.00 ah neih tan a ni dawn a. He hunah hian chief minister Zoramthanga hoa hman a ni dawn a. Hnam puanzar pawtparhin parade contingent a endik anga, an chibai bukna chhangletin march past neih a ni ang. Chief minister-in Independence Day thuchah a sawi zawh hnuin national leh state award a sem nghal anga, parade contigent-te hnenah lawmman a hlan bawk ang.
Lammuala Independence Day programme hman zawh hnu, chawhma dar 11.00 ah sawm bikte tan Raj Bhawan-ah Governor’s ‘At Home’ a awm dawn a ni.