Gym member han nih tan vel chu kan phur duh khawp mai. Hmanraw tha, workout schedule tha tak nen, gym trainer ten min fuih phur pah bawk a. Mahse, a lo rei deuh a, i gym kalna chu i tan a tha tawk lo emawni tih chang te i nei ta deuh. A rei deuh hnuah chuan gym han kal vel pawh i phur ta lo riau a, pawisa i lo pek lawk tawh i ui avangin i kal deuh vel mai mai tawh. Chutiang dinhmunah chuan i ding a nih chuan harsatna eng emaw tak a awm tihna a ni a, i gym kalna chu thlak a ngai tawh a ni mai thei. Tun tumah hian fitness expert ten kan gym kal thinna thlak a hun tih hriat theih dan tha ni a an sawi te kan rawn tarlang e.
1. Treadmill a kal leh tlan te kha i hne ta riau em? Workout routine pangngai kha i hmang rei tawh lutuk a, routine thar an siam sak bawk si lo che a, i routine i ning ngawih ngawih tawh a nih chuan i gym kalna i thlak a hun tawh tihna a ni. Kan workout routine-in min tiphur lo va, kan ning tawh zawk a nih chuan kan thatchhiat phah zawk thin a, hma a sawn tak tak theih tawh loh.
2. Thil thar han tih hian kan phur thin a, chutiang chiah chu gym kal tan tirhah pawh kan nih dan a ni. A tirah kan phur a, mahse, a lo rei a, kan ti tha peih ta lo. Gym kal chu i tui tawh lo va, i peih lo ngawih ngawih zel tawh zawk a nih chuan bansan la, tih tur dang zawng tawh zawk mai rawh.
3. I beisei ang result i nei hleithei lo em? Gym kan zawm hian a chhan a awm thin- thenkhat chuan kan rihna paih kan duh vang te a ni ang a, thenkhatin dul tih thep deuh kan duh vang a ni thei a, thenkhat chuan awmbawr tihlen deuh kan duh vang te pawh a ni thei. Mahse, thla thum vel gym i kal tawh hnuah pawh result tha lam hmuh tur i nei em em lo a nih chuan i gym kalna kha sawn mai rawh. Result kan hmuh loh chuan kan phur rei thei lo a, chubakah thla thum hnuah pawh result tlem tal a la awm lo a nih chuan i gym trainer a tha tawk lo tihna a ni mai.
I gym kalna kha bansan a hun em?
Get real time updates directly on you device, subscribe now.
Prev Post