I memory tichak turin nitin bawnghnute in rawh

Nitin bawnghnute no khat inziah hian kan taksain nutrient a mamawh tak kan la lut mai niloin, kan thluak pawh a tichak thei niin mithiam ten an sawi.
University of Maine-a mithiam ten zirchianna an neih tharah chuan puitling tawh zingah bawnghnute leh bawnghnute atanga thil siam ei nasa te chu memory leh thluak hnathawh hrang hrang test-ah, bawnghnute in tlem leh bawnghnute in ngai lo te aiin an sang zawk niin an sawi.
Mithiam te hian mipa leh hmeichhia, kum 23 leh 98 inkar, mi 900-ah zirchianna hi an nei a. Thluak test chi hrang hrang neiin visual-spatial, verbal leh working memory test te neiin, an bawnghnute in dan nen an teh leh ta a ni.
Mental lam test chi riat-ah chuan nitin bawnghnute no khat tal in thin te chuan bawnghnute in lo te aiin ‘advantage’ an nei zawk, bawnghnute an ei nasat dan a zirin a test score pawh a insan hleih thei hle niin an sawi bawk.
Zirchianna neitu te chuan bawnghnute in nasa te chu an taksa pawh a hrisel zawk niin an sawi a, bawnghnute chu lung (heart) ti hriseltu tha tak a nih bakah ruh (bone) tan pawh a tha hle niin an sawi. Mahse, bawnghnute chu thau leh mawm tel loa in tur niin an sawi a, tui kan tih em em a khar te hi ei tel loh tur a nih chu.
He zirchianna chungchang hi International Dairy Journal-ah tihchhuah a ni.