I peih loh viau pawhin tlan \hin rawh!

I peih emaw peih lo emaw, tlan (running) hi exercise lak theih dan hrang hrang zinga i taksa ti-fit tura tha ber pawl a ni a, intihcher tumte tan pawh a thaber niin an sawi.
Kar khatah tuk 3-4 vel, minute 30-45 vel tlan thin la, chu chuan i kawng (waistline) a ti tê sawt ang a, i lung tan a tha em em a, rilru leh thluak tan pawh a tha niin mithiam ten an sawi.
Tlan (running) thatna te:
– Taksa tih-fit theihna kawng awlsam ber a ni.
– Tlan turin sum sen belh tehchiam a ngai lo, track pant emaw ke kawrbul leh t-shirt bakah puan pheikhawk i neih chuan a tawk der.
– Hmun hla tak tak thlenga tlan kher a tul lo, tlan chu mi tupawhin kan thiam a, zir teh vak a ngai lo, mahse, kan tlan laiin kan taksa dah dan (posture) dik erawh kan thiam a ngai thung. Chu pawh thil harsa a ni lo.
– Tlan chu taksa mai bakah rilru lam tan pawh a tha.
– I stress em ni? Zingah tlan rawh. Mithiam te chuan zing tlan hi stress level tihhniamna tha ber pawl niin an sawi.
– Tu te tan pawh tih theih vek a ni. Tlan turin kum upat luat a awm lo.
– Tlan hian kan rihna a tihniam chak a, kan taksaa thau chuangliam te paihin, a aiah tihrawl a siam thin. Kan tlan nasat zawh poh leh kan inticher chak a ni mai.
– Hangover maw? I lu na tluk tluk te tihreh nan khan zing tlan a tha.
– Mahni maia tlan aiin thian nei thei ila, chu chuan min tiphur sauh thin.
– Tlan hian kan ngaihtuahna kan sawrbing theihna te pawh a tichak niin an sawi.
– Tlan chu sport chi hrang hrang tan a tha deuh vek a ni.