Ice cream cone sang ber

Guinness World Records chuan an Instagram-ah khawvela ice cream sang ber video an post a, he ice cream, feet 10 zeta sang hi Norway-a ice cream siamtu company Henning-Olsen siam a ni. He ice cream cone sang leh lian zet mai hi kum 10 kaltaa record siam nana an lo hman tawh kha niin, GWR hian a video hi IG-ah an tarchhuak ve chauh a ni. He ice cream hian record a siam tih an puan hnuah naupang ei turin an sem dar ta vek a ni.
He ice cream hi tonne (kg 1000) dawna rit a ni a, a cone chhungah hian ice cream litre 1,080 a leng. An siamna hmun atanga an laksawn dawn pawhin helicopter-in an khai tawp.