ICFAI-ah Youth Festival hmang

ICFAI University Mizoram leh Tourism department tangdun chuan April 22 leh 23 hian an campus-ah Youth Festival (UNIVOYAGE) 2026 an hmang.
Nilainia hmanpuitu larsap Gen. Vijay Kumar Singh (Retd) chuan, thalaite tih phurna atan thupui pawimawh tak tak zirna hun Youth Festival 2026 buatsaih a ni chu lawmawm a tih thu a sawi a. Hna zawn leh siamna atana pawimawh, thiamna inzirtirna leh peipun lam hawi zirtirna ngaihpawimawh a tul, tiin, mipui nawlpui kawm tama ngaihven peih chu inzirna tha tak a ni tih a sawi.
Hmanpuitu dang Padma Shri awardee, Shillong Times editor Patricia Mukhim chuan ziakmite pawimawh zia, khawtlang inlumlet dan leh a cheng mihringte rilru thlenga hneh theitu an nih dan sawiin, thalaite chu thuziak lam uar turin a fuih.
Chawhnu hunah Tourism additional secretary Irene Zohlimpuii Chongthu chuan, zin veivakten an hriat tur, zinmite kan rama kan lo dawnsawn dan tur sawiin, mahni hnama chiang a, Mizo thalaite kutchhuak emaw, ei siam emaw ngaihhlut a pawimawh tih a sawi.
Youth Festival (Univoyage) 2026 thupui atan hian “Exploring Diversity, Strengthening Bonds” tih hman a ni.