ICFAI-in Political Talk buatsaih
ICFAI University Mizoram Department of Political Science chuan Ningani khan an campus-ah Political Talk 2023 – “Political Dissection of Political Parties in Mizoram” a buatsaih a. Party aiawhte nen hun hman a ni.
He hunah hian Mizorama political party hrang hrang aiawh bakah college hrang hranga zirlai sawmbik leh ICFAI University-a zirtirtute leh zirlaite an tel a. Party aiawh mi pakhat theuhin an party thiltum leh hmachhawp hrang hrang an sawi a ni.
Hun khatnaah party paruk aiawh pakhat theuhin an party kal dan leh hmachhawp hrang hrang an sawi a. Hun hnihnaah party – AAP, BJP, MPCC, ZPM, MNF leh PC aiawhten zirlaite hnen atanga zawhna awmsa inang pathum an chhang theuh a, hun rei zawng inang vek pek an ni. Zawhna pathum – “Illegal trade, liquor policy leh unemployment problem” te hmangin chhanna an pe a ni. Hun thumnaah zirlai leh mipui kalkhawmte atanga zawhna party aiawhte hian an chhang a ni.
Political Talk 2023-ah hian ICFAI University chuan Best Legislator Award a sem nghal a. Mizoram Legislative Assembly 8-naa (2018 – 2023) MLA tha ber atana Serchhip bialtu MLA Lalduhoma thlan niin, ICFAI University registrar Dr David Lallawmzuala’n chawimawina thuziak a hlan a ni.
ICFAI Political Talk hi 2018 February khan Department of Political Science tho hian a lo buatsaih tawh a ni.
ICFAI-in Political Talk buatsaih
Get real time updates directly on you device, subscribe now.
Prev Post