MLA-in Slaughter House a tlawh

MLA-in Slaughter House a tlawh
Aizawl South-II bialtu MLA Lalchhuanthanga chuan Inrinni khan Rural Animal Slaughter House Mualpui Salem Veng a tlawh a; he hmun enkawltu AH & Vety department hotute nen an inkawm.
He sa talhna hmunah hian thla khatah ran 500- 600 vel talh reng ang a ni a; a bikin Zirtawpni-ah ran talh an tam zual a, 70-80 vel talh ziah ang an ni. Tunlaiin a chhehvela chengte tan a thli leh a rim lamah sawiselna a awm a, hriselna atan a him lo nia hriat a ni. A thli paihna drain mumal taka siam ngaite, Effluent Treatment Plant leh separation tanky siam zawh hlim a leak avangin hman hleihtheih lohin a awm a. A panna kawng chhia avangin a chhawrtuten harsatna an tawk nasa a; thawktu vety officer post pahnih awmah pakhat chiah a awm a, hei pawh hi hnawhkhah thuai a tul, tih te sawi a ni.
“Sawrkarin he sa talhna hmun hi ngaihven rang se ka duh a, a chhehvela khawsate leh a chhawrtuten harsatna an tawh mek hi enfel thuai nise, fur ruahtui tlak hma ngeia a tlabal lai apiang thawmthat thuai a tul,” MLA Lalchhuanthanga hian a ti.