Hmeichhe World No. 1 Iga Swiatek chuan a coach thar atan Wim Fissette a ruat thar a. Fissette ten an thawkdun tur chu phurawm a tih tak zet thu a sawi.
Iga Swiatek coach thar Fissette leh World No. 1 hlui Naomi Osaka te an thawk dun reng thin a. Osaka nen hian September thla khan an thawh dunna an titawp. Fissette nen an thawh dun chhungin Osaka hian hnuhma tha tak a nei a, Grand Slam pali zinga pahnih hi Fissette nen an thawh dun chhung a lak a ni. Japan nula in World No. 1 a nih theih nan Fissette hian a thawhhlawk viau bawk.
Fissette hi Osaka nen an thawh dun tawh bakah player langsar Kim Clijsters leh Angelique Kerber te nen an lo thawk dun tawh a. Clijter leh Kerber te hi Grand Slam-ah an champion ve ve bawk. Anni bakah hian Simona Halep, Victoria Azarenka leh Johanna Konta ten coach-ah an lo ruai tawh bawk a. Konta in Wimbledon 2017 semi-final a luh theih nan a pui tha hle.
World No. 1 Iga Swiatek chuan coach tha tak Wim Fissette nen an thawk dun tur chu phurawm a tih tak zet thu a sawi a, WTA Finals ah champion tuma an inbuatsah thu a sawi bawk.
Iga Swiatek coach thar Fissette
Get real time updates directly on you device, subscribe now.
Prev Post
Next Post