IMF-in Pakistan hnenah sum pe leh dawn

International Monetary Fund (IMF) te chuan sum lama harsatna namen lo tawk mek Pakistan tanpui nan $ 3 billion thehchhuah a remti.
He inremna hi IMF Executive Board-in a pawmpui a la ngai thung niin July thla laihawl vela inhmuhkhawmna neihah an sawiho ang tiin IMF official Nathan Porter chuan a sawi.
Tun hnaiah Pakistani Prime Minister Shahbaz Sharif leh IMF managing director Kristalina Georgieva te chuan inbiakna neiin hma an la dun a ni.
Porter hi IMF’s mission chief to Islamabad a ni bawk a, Pakistan economy chuan harsatna namen lo tawk mekin nikuma tuilian turu tak mi 1,739 laiin nunna an chan phahna leh economy a tihchhiat ringawt pawh $ 30 billion hu vel chuan Pakistan a khawih nat belh thu a sawi a. Hei bakah hian Pakistan chu Ukraine-a Russia indona avanga international commodity price sang a tuar nasa a ti bawk.
Poter chuan Pakistan thuneitu tena imports leh trade deficit tihhniam tuma theihtawp an chhuah chungin harsatna namen lovin a tlakbuak zui zel bawk a ti a.
“Heng avangte hian hma lam hun kal zel tur hisapin sum lama tanpuina pek ngei ngaiah a ngai a ni,” tiin IMF thuchhuah chuan a sawi bawk a.
Porter chuan tun hnaiah Pakistan thuneitute chuan International Monetary Fund duh dan angin economic reform kalpuiin inthlak danglamna an nei mek tiin a sawi a, chung zingah chuan Parliament pawhin revised Budget a pawm tak thu a sawi bawk.
Tuna IMF-in puih a tumna hi Pakistan-in a beisei aia tam niin kum 2019 khan IMF hian a lo bailout tawh a, chu chu kar kalta Zirtawpni khan a tawp chiah bawk a. Khatih lai kha Prime Minister Imran Khan a nih lai a ni.
Pakistan-ah hian June thla tawp lamah harsatna nasa tak tawk dawna ngaih a nih laiin tuna IMF-in thla kua chhung chhawk zangkhai nana 3 billion dollar a puk tir tur hian nasa takin economic growth awmze nei zawkin a siam thei dawn tia sawi a ni.
Sharif chuan IMF te hnenah lawmthu sawiin hei bakah hian harsatna an tawh vanglaia China, Saudi Arabia leh United Arab Emirates te puihnaah lawmthu a sawi bawk a. A sorkar chuan economic revival thupuiah a nei dawn tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Den sødeste puslespil: Find Puslespil for skarpsynte: Find en Super IQ-test: Find 3 forskelle på Kun personer Find en stjerne, Superpuslespil: Find 3 forskelle i Kun folk med fænomenal IQ kan afsløre legetøjs tyven