Immune system chu kan taksain natna a do theihna a ni a, nitinin kan taksa beitu natna chi hrang hrang an lo dolet ve tang tang thin. A tam zawk chu an lo do hneh thin a, mahse, a chang chuan an hneh lo ve thin. Tun tumah hian Mumbai-a dietitian/nutritionist Dt. Seema J Poddar-i’n immune system tana chaw tha ni a sawite kan rawn tarlang e.
1. Sawhthing: Sawhthing hian anti-inflammatory properties a neih bakah antioxidant leh antimicrobial a ni a, hei bakah hian pum lam chiang lo tana chaw tha a ni bawk. Heng te avang hian sawhthing hi immune system tana chaw tha tak a ni.
2. Wheatgrass: Wheatgrass juice hian thin (liver)-in tûr tha lo te a paihchhuahna lamah a pui nasa hle a, chu chu immune system tichak theitu a ni. Wheatgrass hian B complex vitamin, beta carotene, chlorophyl, magnesium, potassium leh nutrient pawimawh tak tak a pai hnem hle bawk.
3. Purunvar: Purunvar hi BP sang tihniam thei, blood clot veng thei, cholesterol sang tur veng thei a nih bakah taksa hriselna atana thatna chi hrang hrang a ngah hle a, a allicin pai pawh lung taka chaw tha a ni. Hengte avang hian purunvar hi immune system tana chaw tha tak a ni.
4. Thingfanghma: Digestion tan a tha tih chu kan hre fur tawh ang, thingfanghmaah hian papain a awm a, chu chu damdawi chi hrang hrang atan an hmang. Beta-carotene a pai hnem bawk a, hei pawh hi timur hriselna atan a tha a, vun leh mit tan a that bakah kan taksaah vitamin A siamchhuakin immune system tichak theitu a ni.
5. Carrot: Mit tan a tha tih chu kan hre deuh vek tawh ang, beta-carotene a paihnem a, chu chu immune system tichak thei a ni.
6. Aieng: Aieng hian taksa hriselna atan thatna chi hrang hrang a ngah khawp mai. Detoxifying properties a nei a, anti-bacterial, anti-inflammatory properties a nei bawk a, digestion atan a tha bawk. Minerals chi hrang hrang Zinc, iron, B vitamin leh manganese a pai hnem a, hengte avang hian immune system tana chaw tha tak a ni.
Immune system tana chaw tha
Get real time updates directly on you device, subscribe now.
Prev Post