Imphal-ah biak in tichhe nasa

Imphal-ah biak in tichhe nasa
Manipur buaina kal mekah Imphal-ah Kristian biak in engemaw zat tihchhiat a ni tawh a, a zat chiah hriat theih chu a ni lo a, 40 vel chu a chhe tawh nia sawi a ni.
Kristian pawl hrang hrang biak in an khawih a, Zo hnahthlakte biak in chauh ni lovin hnam hrang hrang lawina Roman Catholic biak in te an khawih bakah Meitei Kristian biak in pawh an tichhia. Rongmei biak in pawh tihchhiat zingah hian a tel tih thu dawn a ni.
India ram state hrang hranga Presbyterian kohhran Synod inzawmkhawmna General Assembly of the Presbyterian Church of India chuan May ni 4 khan thuchhuah an siam a, he buaina tuartute an tuarpui thu leh Pathian biakna hmunte beih a nia hal chhiat a ni chu pawi an tih thu te an sawi. North East India Christian Council pawhin May ni 4 khan thuchhuah an siam a, Manipur-ah buaina a chhuak chu pawi an tih thu te, a tuartute an tuarpui thu leh biak in beih a ni chu vanduaithlak an tih thu te sawiin, sakhaw inzahsak tul an tih thu te an sawi.
Manipur-a thil duhawm lo thleng mek hi chi leh chi inkara buaina chhuak anga ngaih a nih laiin Imphal-a biak in tihchhiatah Meitei biak in a awm nual a, Meitei Kristian biak in hi panga vel chu beih a ni tawh tih thu dawn a ni.
Naga an him tia sawi a nih laiin Naga chi peng Rongmei leh Tangkhul Kristian biak in pawh beih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More