In hal alh chunga 100m a thui tlanin record siam

Taksa pum alh chunga meter 100 tlan chu stuntman te angin taksa pum khuh thuam famkim inbel mah ila thil awlai leh nuam tak a ni dawn lo. French Jonathan Vero, kum 39, chuan a taksa pum hal alh chungin meter 100 hi second 17 chhungin a tlan thleng hman a, world record chi hnih a siam.
Jonathan hian taksa kang tur ven nan hetiang bik atana siam suit a ha a, tichuan a pumin an hal ta a, alh hluah hluah chungin feet 328 (meter 100) chu second 17 chhunga thlang hmain, taksa puma alh chunga meter 100 tlan thleng rang ber record a siam bakah oxygen hmang lo a taksa pum album chunga meter 100 tlan thleng rang ber record a siam nghal a ni.
Heng record chi hnih te hi a hmaa siamtu chu sap pachal Antony Britton niin, ani hian meter 100 chu taksa pum alh leh oxygen hmang lo chungin second 24.58 chhungin a thleng hman a ni.
Jonathan Vero hi kangthelh pawl (firefighter) a tel niin, professional stuntman a ni bawk. Tun tum a record siamnaah hian taksa pum alh chung hian feet 893 (meter 272) a thui a tlan a ni.