In inhmangaihnain a tawp a thleng ta em ni?
Tu emaw nen in inngaizawng a mahse ani nena in inkar chu kalpui zel ngaihna awm tawh loin i hria em? Nupui/pasal tan em chuan i duh chiah si lo em? Nge in inneih theih tak tak i ring lo zawk? In pahniha inkar chuan a tawp a thlengin i hria a, kalpui zel ngaihna i hre tawh lo a ni mai thei. Chutiang hunah chuan engtin nge i tih ang? Engtin nge in inkar chuan a tawp a thleng tih i hriat theih ang? Relationship lama mithiam te sawi hi chhiar zel rawh le.
1. Hmalam hun tur insawi dun ngai ta lo. Hmalam hun tur sawi dun te inharsat ta a, chutiang lam sawi dun fo chu a tulna pawh i hre tawh lo emaw a sawipui ngai tawh lo che a ni thei. Mahse, hetah hian kum zatin pawimawhna a nei, entirnan kum 21 velah chuan hmalam hun tur sawia ruahmanna siam te chu rilruah a la lang pha kher lo ang, mahse, kum 30 chunglam te nih chuan hmalam hun atan ruahmanna kan nei deuh vek tawh. Kan ruahmanna te kan sawipui theih loh leh engmah kan ruahman pui loh te chu kawppui atan kan duh tak tak lo tihna a ni thei ang a, kan inkarin a tawp a thleng ta tihna a ni thei ang.
2. Mipat hmeichhiatna hman dun bak thildang i ngaihtuah lo a nih emaw mipat hmeichhiatna hmanpui atan baka a duh lo che ni a i hriat chuan in inkar a tawp tan tihna a ni. Chutih rualin hmanpui châkna reng reng i nei lo emaw ani zawk pawhin hmanpui chakna che a nei lo emaw a nih chuan in inkar a tawp tan tihna a ni. Sex ringawt hi hmangaihna vawng nungtu a ni lo a, chutih rualin inittawnna a awm loh chuan hmangaihna a kal thui thei chuang lo.
3. Puipunna leh mi zingah inngaizawng leh inkawp anga lan a tu emaw zawk zawkin induh lo a, mahni a tlat fal in thlang a nih chuan in inkar a tawp tan tihna a ni. Mi zingah a duhna che a tihlan duh loh emaw, nang zawkin miin inngaizawng tih an hria ang tih i hlau a nih chuan in inkar chu kal thui tur chi a ni lo.
4. In pahniha awm falna hun in nei ta mang lo. In buai em em a, inngaihsak tawn nan hun in nei lo a. Chutiang a nih chuan in inkar a tawp tan tihna a ni. Kan hmangaih leh duh leh kan thlakhlelh te bulah chuan awm theih hram dan kan ngaihtuah thin.
5. A chhungte i hre lo riau emaw nang pawhin i chhungte nena inhriattir tul i ti lem lo a nih chuan in inkar chu a serious tehchiam lo tihna a ni thei. Kan duh tak tak te chu kan chhungte pawhin hre ve se kan ti a, chutiangin kan thiante bulah pawh an chanchin kan sawi fo thin. A chhungte leh a thiante nen in inhre lo hle a nih chuan in inkar a kal thui tehchiam dawn lo.
In inhmangaihnain a tawp a thleng ta em ni?
Get real time updates directly on you device, subscribe now.
Next Post