In innei dawn lo tih hriat theih dan

In inngaizawng a, nuam pawh inti, chutiang reng chu ni se tih te pawh i duhthusam a ni. Hetianga hlim taka inngaihzawn hian engtikah emaw chuan kan la innei ang a, tih hi kan ngaihtuahnaah a awm Thin awm e. Mahse, kan inngaihzawnnaah kan hlim vang emaw, nuam kan tih vang emawin kan innei dawn tihna a ni kher lo. Tun Tumah hian relationship lama mithiam ten kan ngaihzawng te nen kan innei dawn lo tih inrin theihna tur ni a an sawi te kan rawn tarlang e.
1. Inneihna chuan mi pahnihna min phuarzawm a, pumkhat kan lo ni ta a ni. Inngaihzawn laia thil tidun hleithei lo in nih Thin chuan inneih a rinawm lo an ti tlat mai. Engmah in tidun hleithei lo a, inngaihdan a inang lo deuh zel a, ngaihdan a inan loh pawhin insawifel hleithei tlat lo. Chutiang chu indinhmun a nih chuan in inneih a rinawm lo an ti tlat mai.
2. Inngaihzawn laiin eng emaw thutlukna pawimawh deuh siam dawnah in inrawn ngai lo a nih chuan in inneih a rinawm lo. Entir nan, lehkha zir chhunzawm chungchang a ni emaw, hna lam thil a ni emaw, eng emaw thutlukna pawimawh siam tur a awm chang a, inrawn tawn lem lo va, mahni duhdanah kaltlangpui pawp zel in nih chuan in inneih a rinawm loh.
3. Hmalam hun a sawipui ngai lo che a nih chuan in inneih a rinawm lo. A hmalam hun atana ruahmanna a neihah i tel ve Thin lo a, amah ringawt a insawi a, khawiah mah i telvena i hmuh ngai lo a, a hmalam hun atana a ruahmannaah khan a seng lut ve Thin lo che a nih chuan inpahnihin hmalam hun in nei vak lo tihna a ni.
4. Inneih lampang a sawipui hleihtheih loh a nih chuan innei dawn lo tih ring mai rawh. Inneih lampang i sawipui apiangin thudangah a pakai pui thuai thuai che a, a nih loh pawhin engtin emaw a chhangpial thiam riau zel che a nih chuan a lakah i hmalam hun atan rinna nghat bur duh bik suh. Fa neih leh chhungkaw din lam, chhungkaw din hnua khawsak dan tur tih vel te engmah a sawipui theih ngai loh a nih chuan in innei dawn lo tih hrethiam mai rawh. Chutiang lam sawi hlek tawh chuan in inhau titih nghal zel mai a, inhauh leh intihthiam loh i hlauh avangin a sawi pawh i sawi lang ngam tawh lo a nih phei chuan in pahnihin hmalam hun engmah in nei lo tih hrethiam ang che.
5. Chhungten an duhpui lo che emaw, a chhungten an duh lo che emaw a nih chuan inneih a harsa dawn tih hriat lawk tur. Chhungten an duh loh leh remtih loh innei zui ta tho hi sawi tur an awm ang, mahse, chutiang tur chuan harsatna eng eng emaw paltlang a ngai ve dawn tih hriat lawk tur a ni. Hetianga chhungte lamin an duhpui loh boruakah hi chuan inneih chu a sak Talh dawn tih hriat tur a ni a, inneih aiin inneih lohna chance kha a tam zawk tih hriat bawk tur a ni.